کوچه لر

-سنی اورگیمه بویون گلمیشم نازلی.
-اورگیم ده سنی منه بویون گلیب دیر.
-آند ایچیرم نسیمی نین سویولان جانینا.
-سندن سووای سوزوم یوخ.
-سنی سندن ایسته ییرم.
-و سوزومده داینمیشام پولاد کیمی.
-نه دونن!!!!
-نه ده قاییدان!!!!
-راضی لاش دااااا
-راضی لاش ایکی گوزوم.
-اگلش دیزیم اوستونده چای توکوم ایچ.
-اگلش یانیمدا آلما سویوم سنه.
-اگلش رحیم شهریاری موزیکین سالیم قولاق آس.
-"بیاض گئجه لر"
 "سودان گلن سورمه لی قیز"
"آنا یوردوم آزربایجان"
-یوووخ
 " کوچه لره سو سپمیشم"
-گل داااااا
-کوچه لرده سنی یئریکله ییر.
-گل.
شاعیر:رحمت یاشار

نیلییم رسمینه باخماخلا منیم دویمور اورک

نیلییم رسمینه باخماخلا منیم دویمور اورک

سالدی آیری مارالیمدان منی بو چرخ فلک

آ گولوم فکر ائله مه سندن اوزاک دوشمکله

سنی یاددان چیخادار یاکی دویونمز بو اورک

تانریا یالواریرام سندن اوزاخ صبح و مساء

وئره دلداره تسلی کی بودور تکجه دیلک

ای خدا سالما اوزاخ هچ کسی جانانیندن

هر کس اوز یاریله اولسون نئجه کی گولدی گلستانه گرک

آخشام چاغی

آخشام چاغی دوشونجه نین یولون آچ
آیاق گوتور یاواش یاواش دیله گل
اسیر دوشن یارپاقلارین قولون آچ
ساز قوینوندا بم دن ائنیب زیله گل

اوره یینه دومان قالا چن قالا
قویما یانسین بو فه له گیین الینده
دوداغ دوداغ دویغولاری چالخالا
شعیره دول قیزیل گولون دیلینده

یازیمیزی قارا یازیب یازاندا
گئجه یاری یارلیغیمیز یاریلیر
سون باهارلی یارا یازیب یازاندا
آل سئوگیمیز قارانلیغا ساریلیر

اللریمیز دویون توشوب بلکه ده
آچانمیریق بو دوگونو اوزوموز
بیله بیله سئویشیریک کولگه ده
آلیشیریق کوله دونور کوزوموز

یاشیل لیغیم یاز قوینوندا سارالدی
ایندی بوتون بوداقلاریم قاردی گل
گوزوم یولا باخا باخا قارالدی
فاصیله لر سئوگیمیزی یاردی گل

یاساقدیرسا اوره گیمده قالاجاق
بو قارا گون سئوگیمیزین چیچه گی
ایللربویو منی درده سالاجاق
خیالیمدا به نووشه نین له چه گی

"دومان"